Soknerådet legg ut restopplaget av jubileumsboka til sal til rimeleg pris.  Kanskje passande julegåve til vaksne born, tanter eller onklar eller andre med tilknytning til bygda. Finst på lokale butikkar, bank og bokhandlar.
Treng du meir enn ei bok, kan du få eit ennå betre tilbod ved å ta kontakt med underteikna på telefon 917 53 446.

Me har 18.12.13 siste kreativkveld "Vintervakker gjenbruk" kl. 20 her hjå oss på Rørtveit.

Denne kvelden lagar me kreative & fine lysestakar.

Dei kan du ikkje berre bruke til jul - men er fine heile året. 

Eg serverer heimelaga toddy og juletapas. Julestemning er inkludert - surprise-surprise

Har du lyst å vera med? Påmelding innan 17.12.2013
Eg tek 200 kr, dette inkluderer materiell og mat.

Nærmere info: tlf 942 484 62 Helsing Dagmar

Allehånde opner døra for første gong onsdag 11. desember 2013 frå kl. 12 - 16.
Kanskje du har lyst & tid til å stikke innom til oss på Rørtveit?

Velkommen til oss !!

Med helsing, Dagmar og Fred 942 484 62

Det vart ein fantastisk triveleg kveld på Øvregard med flotte tre og mosekuler. God julestemning og masse gløgg!

Det vert julamøte tysdag 11.desember klokka 18 - 21.

Me startar møtet i barnehagen, der det blir ulike aktivitetar som å laga marsipanfigurar og risbollar. Hugs å ta med kakeboks til dette:-)

Me skal og ha nokre uteaktivitetar, så ta med akebrett/ ski.

Så blir det avslutning i lavoen der det vert servert graut.

Kjekt om du kjem!!!!

Vel møtt. Helsing styret:-)

Vindetreet for 2011 er nå lagt ut for sal i bokhandlar og ein del butikkar og bankar i distriktet.
Dette er den 20. utgåva av sogeskriftet, og dette blir markert med ei  stor jubileumsutgåve på heile 120 sider.  Ein har også prøvd å friske opp layout og biletbruk i skriftet. Det er i år mange gode artiklar frå Imsland.
Framsida er pryda av eit bilete av Imslandkyrkja, og Tomas Finnvik har skrive ein artikkel om kyrkja i høve 150-års jubileet.
Ein har hatt ein serie kor ein har fått folk til å skrive om bygda si, og i år er det Imsland sin tur. Ellen Mo Marvik og Olav Marvik har skrive artikkelen "Kva er Imsland".
Vidare har Oddvar Haugland skrive ein artikkel om sin tidlegare nabo Sven Hustveit.
Gerd Borgny Skipevåg Hanken har skrive om tida ho gjekk på skulen på Hyttebø. 
Ingebrigt Bjelland har skive om si musikalske utvikling frå barndommen i Imsland til han gav ut samlinga
"Folkeleg musikk i Rogaland".
I artikkelen "Karduanbereder Salqvist" har underteikna skrive litt om kva som dukka opp då eg ville undersøkja kvifor bestemor mi Gemelia Hustveit vart døypt med mellomnavna "Schrøder Salkvist". 
Vidare skriv Tomas Finnvik om "rotne revar" i kommunestyret i Imsland.

Hovudartikkelen i år er nok "Skulestriden i Skjold". Bygda vart landskjend i 1953, då ein del av bygda bygde ein ekstra etasje på den nye skulen, medan andre med ordførar i spissen reiv han ned.
Beret Guldberg har også ein interessant artikkel om endringane som har skjedd i Vikedal frå ho først kom der  på 1970 talet til no.

Komplett artikkeloversikt finn du og på nettsida www.vindetreet.com.

Kjøp bladet! Her er mange timar med godt lesestoff!

Torsdag 30. desember vert det skiløp på Ølmedalsvatnet, frå klokka 12:00 - 14:00. Oppmøte ved skulen. Ta med ein vedakubbe, ski, varmt å drikka og mat dersom du ynskjer det. Heile familien er hjerteleg velkommen til å vera med! 

Foto: Bente Kjos-Wenjum

Lisa Marvik vart vinnar av årets "spåmann-konkurranse". Lisa hadde rett svar på 5 av spørsmåla og kan inkassere premien; julehefte, mandariner og søtsaker. Gratulerar!

Det var tett i teten, og vinnaren vart kåra ved loddtrekking mellom Gro Anita Imsland, Marianne Vanvik, Oskar, Lisa og Edvind Marvik

Bilde frå Byrkjelandsvatnet laurdag 4.desember:

Det er silkeføre. Fullmåne. Gnistrande vintervær. Det er JUL!

Stein Gunnar Hustveit tek til som vaktmeister på Bygdahuset frå 01.01.10. Nøklar til Bygdahuset vil liggje i postkasse på husveggen til Stein Gunnar. Her ligg det ôg bok som den som hentar nøklar skal kvittera i. Nøkkelen blir tatt inn om natta. Stein Gunnar har tlfnr 52 76 48 38 / 950 38 546.

Imsland vakna opp til ei kvit verd i dag - søndag 20.desember. På mindre enn 1 døgn kom det omlag 1 meter snø. Me går mot ei kvit jul!
På bilda under her kan du sjå korleis det såg ut i Ølmedal søndag føremiddag:

I siste utgåve av Skuleposten som elevane i 9. klasse ved Vikedal Skule gir ut, har dei snakka med Guri Hustveit og Aurelija P. Hustveit om juletradisjonar i Imsland og Litauen. Denne artikkelen er skriven av Linnea Mattsson, Cathrine Wiland og Ida Helland, og du kan lese den HER

Å syngje jula inn er ein fin tradisjon rundtom - og slik er det i Imsland og. Søndag fekk me vera med på allsong og høyra flott musikk frå "scenen". Ingrid Marie gjer ein kjempegod jobb som musikkskulelærar, og me har eit godt tilbod her i Imsland! Her er glimt frå programmet til kulturskuleelevane:

Kva skjer i Imsland i 2010?

Kan du sjå i framtida? Eller tippa på kva som kjem til å henda det neste året?

Her er spørsmåla me vil ha svar på:

1.    Det er berre eit par år sidan isen på Byrkjelandsvatnet var meir enn 40 cm tjukk, og låg til slutten av april. Vert det skøyteis på Byrkjelandsvatnet, dvs minimum 15 cm tjukk is, dette året?

2.    Kor mange born vert fødde?

3.    Blir kunstgraset lagt i løpet av 2010?

4.    Kjem det til å regne midtsommar, dvs 23.juni?

5.    Vert Imsland vassverk kommunalt i 2010?

6.    Vert allrommet på Bygdahuset ferdigstillt?

7.    I november 2009 hadde Imsland.info 1589 besøk. 497 unike brukarar (ulike pc-ar) logga seg inn på nettsida, og opna til saman 8382 sider. Kor mange unike brukarar får me i mars 2010?

8.    Kor mange deltakarar vert det på Ølmedal rundt totalt?

9.    Kor mange fastbuande imslandsbuar spring i aktiv klasse – og kven av dei spring fortast?

10.    Kva lærarar finn du på lærarrommet hausten 2010? (Altså: Kven skal undervise ungane våre hausten 2010?)

11.    Kven held 17.mai-talen?


Send svara til Denne e-postadressa er beskytta mot program som samlar e-postadresser. Du må aktivere javaskript for å kunne sjå den.. Hugs å oppgi namn, telefonnummer og e-postadresse viss du har.

Svara må sendast før året tek slutt. Flott PREMIE til årets spåmann!

Stein Gunnar Hustveit vert den nye vaktmeistaren på Bygdahuset når Lars Staurland legg inn årene ved årsskifte.

Her er Stein Gunnar og Jarle på haustfesten.

Nydeleg julasong av bandet Femfemten - med Lasse Staurland i spissen.

Du ser og høyrer han her